LEGAZPI CITY—Hinabonan kan mga dae pa namimidbidan na suspetsado an opisina kan Girl Scouts of the Philippines-Legazpi sa Barangay Gogon, Legazpi City kan nakalihis na aldaw, Enero 6.
Segun ki Rose Bañes, an Council Executive kan Girl Scouts of the Philippines Legazpi, sa intrevista kan Bombo Radyo Legazpi, an mga ekipaheng nakua iyo an duwang laptop, duwang sound system, sarong projector, sarong Xerox machine, asin sarong TV, kun saen may kabilogan na kantidad na maabot sa P100,000.
Sinabi kan opisyal na an mga suspetsado nag-agi sa main gate kan saindang opisina kun saen rinungka an susian kaini asin digdi uminagi.
Dugang kaini na posibleng hinabonan an saindang opisina kan nakalihis na weekend o amay na aga nin Lunes, Enero 6, 2025.
May nawalat man suboot na knapsack na bag na may laog na desktop, CPU, asin monitor na posibleng kadsadiri kan mga suspetsado.
Mientrastanto, nangapudan an opisyal na kun siisay man an posibleng pinabakalan kan saindang ekipahe na tulos ining i-report sa mga otoridad.
