LEGAZPI CITY- Lalo pang nagbaba an numero kan mga nagpaparehistrong botante sa Commission on Elections (COMELEC) kasunod kan nakatalaan na pag-oktaba sa Barangay asin Sangguniang Kabataan elections.
Sa intrevista kan Bombo Radyo Legazpi kay COMELEC Bicol Director Atty. Maria Juana Valeza, hale sa target na 300,000 nasa 60,000 pa sana an mga nagpaparehistrong botante sa rehiyon.
Segun kay Valeza, nagtuyo na sa mga barangay an komisyon ngani na duman magsagibo nin registration alagad diit man giraray an mga nagpaparehistro huli ta dakol suboot an nadisganar sa pag-oktaba kan masunod na pirilian.
Alagad tinawang duon kan opisyal na kaipohan man giraray na magparehistro lalo ng dae pa man sierto sa ngunyan kung madadagos o dae an eleksyon mantang magagamit man ini para sa Presidential election sa 2022.
Napag-araman na en kasong madagos an pag-oktaba kan barangay asin sk elections, posibleng gibohon na ini sa Setyembre na nagkapirang bulan sana makalihis an May 2022 presidential election.
