Liwat na nagpalayog an North Korea nin mga lobo na may basura pasiring sa South Korea.
Segun sa South Korean Joint Chiefs of Staff, pasiring sa norteng parte kan Seoul an mga lobo.
Siring kan mga naenot na lobo, may nakasabit ini na basura siring kan mga lumang bado, ati nin tawo, upos nin sigarilyo asin iba pa.
Mahigot an abiso kan mga otoridad sa mga residentes na ibitaran an pagrani sa mga lobo asin tulos na maghagad nin tabang sa mga pulis asin suldado en kasong makahiling kaini.
Naenot ng sinabi kan North Korea na ginibo ninda an siring kaining lakdang bilang pagbalos sa mga lobong pigpapalayog kan mga aktibista sa South Korea.
