LEGAZPI CITY-Naarestar an No.6 most wanted na personahe sa ciudad kan Ligao sa Albay.
Segun sa Chief of Police kan Ligao City police Station na si Police Lieutenant Colonel Herminio Olivares, sa intrevista kan Bombo Radyo Legazpi, sa pakikipag-kooperasyon kan saindang polisya sa Criminal Investigation and Detection Group (CIDG) sa Albay, naarestar ninda an suspek.
An suspek, sarong 31-anyos asin residente kan Ligao, na igwang kaso sa pagdadara nin mga badil asin bala na unauthorized asin bako rehistrado, o an pigapod na Comprehensive Law of Firearms and Ammunition na nagbabayolar sa Republic Act 10591.
Segun pa sa polisya, naisagibo an operasyon mantang magluwas an honorable judge nin warrant of arrest sa suspek.
Sa conduct of search na isinagibo kan polisya, nakuwa an mga badil asin bala sa laog mismo kan harong kan suspek.
An kaso kan suspek igwa nin temporary bail na P120,000.
Dugang pa ni Olivares, igwa man nin mga siring kaini na kaso sa ciudad alagad tintrabaho man suboot ninda tulos ini ngani matawanan nin warrant of arrest.
Napaiba sa No.6 most wanted peres
on an suspek huli sa mga penalties asin nasa parameters ini kan mga police.
Pagirumdom kan opisyal na iparehistro an mga badil alagad enkaso mawot na magkaigwa kaini, dapat enoton na iparehistro ngani magkaigwa nin lisensiya asin dai magbayolar sa ley.
