LEGAZPI CITY- Nakahanda na ngunian an National Housing Authority Bicol para sa saindang programa may kinaaraman sa resettlement assistance program for lgu na itatao sa mga naapektaran kan bagyong Kristine.
Segun kay Engr. Rolando Ramos, an Regional Manager kan National Housing Authority Bicol sa intrevista kan Bombo Radyo Legazpi, nakikipag koordinar na an saindang opisina sa National Disaster Risk Reduction Management Office kun saen duman nanggagaling an pondo para sa calamity projects.
Segun sa opisyal, nagtatao sinda nin cash assistance para sa mga apketadong pamilya na partially damage asin pigpapagibohan man nin permanent resettlement area an mga totally damge na mga harong huli sa nasabing bagyo.
Aminado man ining dakol an nawaran nin kaharongan sa Bicol sarao na digdi an Libon, Albay.
Pig-asigurar man kan opisyal na kaya nindang matapos an proposal kan nasabing proyekto sa laog nin sarong bulan alagad nahahaloyan lang sa pagtatao nin pondo sa sainda.
Dugang pa kaini na pwedesir na sindang makapag puon kan calamity projects makalilis an 2 sagkod 3 bulan.
Mientrastanto, nakikipag koordinar man sinda sa lokal na gobyerno para sa pag aydentipikar kan lugar na pagtitindugan kan resettlement sites huli ta mas nakakaaram an mga LGU kun ano an mga ligtas na lugar.
