LEGAZPI CITY – Nasa 246 na pamilya o 829 na indibidwal an nag-ebakwar sa mga provincial kan Camarines Sur asin Catanduanes huli sa bagyong Aghon.
Basado sa datos na ipinaluwas kan Office of the Civil Denfense Bicol, nasa 818 na indibidwal an nagtetenir sa laog kan evacatuation centers mantang 11 man an nasa luwas kan evacuation centers.
An nasabing 11 persona an mga delegado kan National Fishing Tournament sa Catanduanes.
Nasa 37 na barangay, 6,130 na pamilya o 10,349 na indibidwal an apektado kan nasabing weather disturbance.
Nakapagrehistro man nin pitong persona na injured na hali sa Camarines Norte, Sorsogon asin ciudad kan Legazpi.
Alagad isasairarom pa ini sa validation kan Department of Health – Center for Health Development-Bicol ngani na masierto kun may kinaaraman sa weather disturbance.
Mientras tanto, nasa P1.4 millioin na kantidad nin asestensya an naipano kan mga lokal na gobierno asin Department of Social Welfare.
