LEGAZPI CITY-Ipigdeploy an nasa 200 na kapulisan hale sa KASUROG D.E.A.R. o (Disaster Emergency Assistance Response Team) sa Guinobatan Albay ngani magtao nin asistensya para sa debris clearing, flushing, asin de-clogging operations makalihis an pagbagsak kan ashfall sa lugar.
Segun kay MDRRMO Guinobatan Head Joy Maravillas, sa intrevista kan Bombo Radyo Legazpi na sa presente na-clear out na an ibang lugar apwera sa mga remote asin rural aeas.
Pigtutukan man ninda an mga urban barangay kun sain igwa pang mga portion na kaipuhan malinig.
Nakapagpadara man nin fire trucks asin iba pang personahes na nagtabang sa paglinig sa sentro asin sa tinampo ngani maibitaran an aksidente.
Dagdag pa kan opisyal na nasa 44 barangay an apektado sa Guinobatan kun sain apektado an nasa 806 na pamilya o 19, 116 na mga indibidwal.
Sa presente prayoridad ninda an rehabilitasyon kan mga na-damage kan ashfall asin an pag-sustain kan tabang para sa mga apektadong residente na dai pa nakakabalik sa saindang mga trabaho.
