LEGAZPI CITY-Timbog an sarong mekaniko mantang nakatakas an iba pa kaining kairiba makalihis na aktwal an maaktuhan kan mga otoridad na nagsasagibo nin pot session sa Brgy. Maguiron, Guinobatan, Albay.
Binisto an suspek na si alyas “Gor”, sarong Street Level Individual, 36 anyos, igwang agom, mekaniko asin residente kan Guinobatan, Albay.
Nadakop ini sa paagi kan isinagibong intel driven operation kan mga operatiba kan Guinobatan Municipal Police Station, kan maaktuhan ninda an sarong grupo nin kalalakihan na nagsasagibo nin “pot session”.
Narekober sa pinangyarihan kan “pot session” an tulong pakete nin pinagtutubudang shabu na may timbang na nag-aabot sa 1.2 gramo asin Standard Drug Price na Php 8,160.00, sarong berdeng flashlight box, duwang pidasong lighter, sarong improvised tooter asin sarong stainless na gunting.
An suspek presenteng nasa kustodiya kan Guinobatan MPS asin nakatakdang sangatan nin kasong pagbayolar sa RA 9165 o Comprehensive Dangerous Drugs Act of 2002.
