Nangapudan an Malacañang sa transport group na Manibela na liwat na pag-isipan asin dae na ipagdagos an ikakasar na transport strike sa Abril 15 hanggang 17, huli sa dae suboot ini makakatabang sa presenteng kamugtakan kan nacion.
Segun ki Communications Undersecretary Claire Castro, urog sanang mapagabat sa sitwasyon ang tigil-pasada, lalo na nagpapasan an bilog na Pilipinas sa padagos na oil price hike na kawsa kan naglalalamg giyera sa Middle East.
Ipigdoon kan opisyal na sa ibong na magkasar nin hiro protesta an pangenot na kaipuhan ngunyan kan nacion an pag-oolay asin maayos na koordinasyon sa pagultangan kan gobierno asin kan mga tsuper.
Kasabay kaini pinahimutikan kan Malacañang ang paratang kan Manibela na mabantol an aksyon kan administrasyon ni Marcos sa pagsimbag sa serye kan paghalangkaw kan presyo kan krudo.
Nilinaw ni Castro na bago pa man magkaigwa nin huma kan tigil-pasada, ang transport sector na ang enot na pig-asikaso asin pigtawan nin ayuda o subsidiya kan gobierno.
Sienerto man niyang nahihilng kan publiko an mga magkakanigong lakdang na piggigibo kan ehekutibo nganing maibsan an epekto kan krisis sa ekonomiya.
Sa huri, nanindugan an gobierno na nagtitinir na bukas an saindang linya nganing dangugon an mga agrangay kan transportasyon asin naghahanao sinda nin mas epektibong solusyon na dae makaaabala sa biyahe asin kabuhayan kan mga ordinaryong Pilipino.
