Sa ibong kan desisyon kan Korte Suprema na nagdedeklara sa Articles of Impeachment laban kay Vice President Sara Duterte na unconstitutional, nagtutubod an pirang senador na pwedesir man giraray ipagpadagos kan Senado an paglilitis.
Punto ni Senator Vicente “Tito” Sotto III, may kapangyarihan an Senado na gibohon ini huli sa co-equal branch sinda kan judiciary kan gobierno asin dae pwedesir manghimasok an hudikatura sa gibohon kan legislative branch.
Siring man kaini an pagtubod ni Senador Paolo “Bam” Aquino IV.
Pagdoon man ni Senador Francis “Kiko” Pangilinan, na gari nalingawan suboot kan Korte Suprema na ka-co-equal branch sana sinda kan Senado.
Mientrastanto, nadismaya man si Senadora Risa Hontiveros sa nagin desisyon kan Korte Suprema asin ipigdoon na may short-term asin long-term consequence ini.
Nahahandal man si Hontiveros huli ta masyadong dakol na pighahagad na requirements an Korte Suprema bago puonan an paglilitis.
