Kinumpirmar kan gobierno kan Pilipinas na inarestar an nagkapirang Filipino nationals huli sa pinagtutubidan na page-espiya o paniniktik para sa China, na pigkokunsiderar na sarong seryosong isyu sa national security.
Segun sa National Security Council (NSC), napundo na an operasyon kan nagkapirang mga indibidwal na suboot naghihiro basado sa kasuguan kan Chinese intelligence.
Alagad dae nagtao nin eksaktong detalye kun may naisunad na kaso, sinabi kan ahensya na inako ma kan imbwelto an saindang partisipasyon sa espionage activities asin nakikipagtabangan ngunyan sa mga otoridad.
Segun man sa nagkapirang security sources na dae mababa sa tulong indibidwal an mga imbwelto.
Saro sa mga akusado an nagtaram na enot siyang tinangro kan kabisto na Filipina na magsurat nin opinion articles karibay kan bayad mantang siya an junior staffer pa sa Department of National Defense.
Dae naghaloy, naghewas pa suboot ini sa pagtatao nin impormasyon katakod kan West Philippine Sea asin ugnayang pangdepensa kan nacion.
Aminado an suspek na dae tulos niya naaraman na para sa interes kan China an saiyang pigigibo asin nadifisilan ng umatras huli ta nangangaipo siya nin kwarta.
