Kinondena kan nagkapirang mga opisyales kan gobyerno an panibagong insidente nin panghaharass kan China sa Air Force kan Pilipinas sa West Philippine Sea.
Kasunod ini kan peligrosong pagmamaniobra asin pagdeploy nin flares kan Chinese aircraft sa ruta kan patrol aircraft kan Philippine Air Force sa Bajo de Masinloc.
Segun kay Senadora Risa Hontiveros, makahandal na an piggigibong mga panghaharass kan China sa pwersa sa Pilipinas na lalong naglalala sa mga nakalihis na aldaw.
Panahon na suboot ngani na magsangat an gobyerno nin panibagong kaso kontra sa China lalo pang iligal ng naglalaog sa teritoryo kan nasyun an mga aircraft kaini.
Para man kay House Speaker Martin Romualdez, sarong huma sa seguridad kan Pilipinas an piggigibo kan China na dapat na matuldokan na.
Sa ngunyan pig-aasikaso na kan Armed Forces of the Philippines an mga kaipohang dokumentos para sa pagsasangat nin diplomatic protest kontra sa China.
