LEGAZPI CITY-Ipighayag kan Pambansang Lakas ng Kilusang Mamamalakaya ng Pilipinas (PAMALAKAYA) na haros nabawasan nin 71% kan taong 2021 an produskyon nin sira kan Pilipino sa West Philippine Sea (WPS).
Segun ki Pambansang Lakas ng Kilusang Mamamalakaya ng Pilipinas (PAMALAKAYA) National Chairperson Fernando “Ka Pando” Hicap, sa intrevista kan Bombo Radyo Legazpi na dakula an epekto kaini sa sainda orog na ngonian na taon.
Saro suboot sa rason an pirmihang presensya kan China sa WPS, na nakakaapektar sa pagbawas sa produskyon sa pagsisira.
Nagigin bulnerable man an mga parasisira sa lugar kun sain mas napipiritan sindang magtenir nin haros pira pang bulan asin nagigin biktima nin maraot na panahon.
Kun nasa gilid man suboot sinda kan baybayon asin harayo sa WPS, mas diit man suboot an saindang ganansya.
Dagdag pa ni Hicap, na mas malala ngonian an epekto sa mga parasisira, orog na halangkaw an inflation asin padagos an paglangkaw kan presyo kan gasolina.
Mas matindi man suboot an dagit kan mga parasisira sa China asin nababasol man an gobierno, huli sa kawaran nin lakdang ngani matabangan sinda sa malayang paglalayag sa WPS.
