Kinansela kan Philippine Airlines an saindang mga flight pasiring asin hali sa Riyadh, Saudi Arabia hasta sa katapusan kan Nobyembre ngunyan na taon huli sa mga pag-atakeng nairehistro sa King Khalid International Airport.
An flight PR654 asin PR655 an magtetenir na suspendido hasta sa Nobyembre 29, basado sa ipinaluwas na abiso kan airline company kan Lunes.
Dugang pa kaini na padagos an airline sa pag-monitor sa sitwasyon kan operasyon asin seguridad kan saindang mga flight.
Katakod ini kan mga report nin pag-atrake sa King Khalid International Airport kun sain nagkapirang mga Pilipino an nairehistrong nairido sa nasabing mga insidente.
