LEGAZPI CITY- Nangangapudan ngunyan an nagkapirang mga drivers na mapagbigyan sinda sa kahagadan na dagdag singil sa pamasahe sa tahaw kan paglangkaw kan presyo kan produktong petrolyo.
Sa intrevista kan Bombo Radyo Legazpi sa jeepney driver na si JC Topular, sinabi kaini na dakulang kantidad man an nawawara sa saindang ganansya.
Huli digdi, bako na suboot bastante an ganansya na naiuuli para sa pangangaipo kan saindang pamilya.
Sa suway na intrevista, sinabi man kan tricycle driver na si alyas Danilo na nangangapudan sinda na matugutan an pagtaas kan pamasahe ngani na maski papano an makabawi man sa gastos sa gasolina.
Hagad man kaini na masabutan kan mga pasahero an saindang lado urog pang dakula an epekto sa kabuhayan kan padagos na paglagkaw kan presyo kan produktong petrolyo.
