LEGAZPI CITY — Gadan an sarong jeepney driver makalihis na pagbabadilon kan duwang dae pa nabibistong suspek sa banwaan kan Mandaon sa Masbate.
Nagkakape suboot an biktimang si Dioly Esquilona sa waiting shed kan Barangay Cabitan kan punduhan nin puting motorsiklo lunad an armadong kalalakihan.
Pinaputukan nin disi-otsong bes an biktima sa manlaen-laen na parte kan hawak na kawsa kan tulos na pagkagadan kaini.
Narekober kan mga nagrespondeng personahes kan Mandaon Municipal Police an disi-otsong empty shell, duwang live ammunition asin sarong slug nin kalibre 45ng badil.
Nagpapadagos pa sa ngunyan an pigsasagibong imbestigasyon kan mga otoridad para sa posibleng pagkakabisto asin pagkakadakop sa mga suspetsado.
