Nasulo an sarong motorsiklo sa kahalabaan kan Airport Road, Washington Drive, Legazpi City.
Susog sa impormasyong naguno kan Bombo Radyo Legazpi na mantang pigmamaneho kan driver an saiyang motor, may nakahiling na padiit diit na ining nagkakalayo.
Marikas man na nasabihan an driver nagin rason man kun kayang warang nakulugan sa insidente.
Tulos man na na-respondehan kan Philippine National Police asin Bureau of Fire Protection an nasabing pagkalayo.
Segun sa driver, posible suboot na huli sa wiring kan motorsiklo an nagin rason kan kalayo.
Sa presente, pig-aaram pa kan mga otoridad an tunay na rason sa nasabing insidente.
