Naghagad sa Quezon City court si Atty. Manases Carpio, agom ni Vice President Sara Duterte, na ipawalang-bisa ang subpoena na inisyu para sa saiyang yearly Income Tax Returns (ITRs).
An subpoena an iniluwas kan House Committee on Justice bilang parte kan imbestigasyon kaini kun may bastanteng batayan para sa posibleng impeachment case laban kay VP Sara.
Sinugo kaini an Bureau of Internal Revenue na isumiter an Income Tax Returns kan mag-agom na Duterte-Carpio puon 2007 hanggang 2025.
Pagdoon ni Carpio bako siya sakop jkan nasabing hearing huli bako siya party sa kaso, kaya wara suboot na hurisdiksyon ang komite saiya.
Dugang pa niya an tax returns an ipigkonsiderar na pribado asin dae pwedesir iluwas nin warang permiso kan taxpayer.
Mantang segun ki Bicol Saro Rep. Terry Ridon, may kapangyarihan an House committee na maghagad nin mga dokumentong may kinaaraman sa saindang imbestigasyon nganing matukoy kun may bastante na basehan para sa impeachment proceedings.
Pagdoon pa kan lehislador dae suboot pwedesir ipigdoon an privacy kung orolay an parte kan constitutional authority kan Kongreso sa impeachment investigations.
