LEGAZPI CITY-Kinumpirma kan sarong opisyal kan Davao City Assessor’s Office na nakarehistro kay Atty. Manases Carpio, agom ni Vice President Sara Duterte, an sarong propriedad sa Juna Subdivision, Matina Crossing, Talomo, Davao City na pinago-olayan sa nagpapadagos na impeachment trial.
Sa ika-40 araw kan paglilitis ngonian na aldaw nin Lunes, Nobyembre 9, hinapot ni defense lawyer Lindon Bacquel si Davao City Assessor Engr. Jaime Adalin kun sisay an nakatalaang registered owner kan nasabing property basado sa saindang mga rekord.
Kinumpirma ni Adalin na si Carpio an nakarehistrong may-kadsadiri asin nakalaag sa dokumento na siya kasal kay Duterte.
Dagdag pa kaini na nasa P82,046 an assessed value kan nasabing ari-arian, mantang nag-aabot sa P1,864,680 an market value.
Marurumdumang parte kan paglilitis an pagbusisi sa mga ari-arian asin dokumentong may koneksyon sa suboot dai maipaliwanag na yaman kan Bise Presidente.
Sa irarom kan natatadang Article II kan impeachment complaint, kaiba sa mga alegasyong sisimbagon kan kampo ni Duterte an suboot dai pagtugma kan saiyang idineklarang yaman asin aktuwal na mga ari-arian.
Mientras tanto, an nasabing testimonya parte kan presentasyon kan depensa na piglalaomang magtataong-linaw sa mga dokumento asin paratang na inihampang kampo kan prosekusyon.
