LEGAZPI CITY- Padagos an pag-abot kan mga turistang mawot na personal na mahiling an mga aktibidad kan Bulkang Mayon sa probinsiya kan Albay.
Maging mga foreign asin local tourist an game na game na magkua nin ladawan kan nasabing sikat na tourist attraction.
Kaiba sa mga designated area na pwedesir na dumanon kan mga turista an Ligñon Hill asin Embarcadero de Legazpi kung sain mahihiling an magayon na view kan bulkan.
Kadakol man sa mga ini an nag-aabang hasta sa pag-abot kang banggi kung sain mas mahihiling an pagliwanag kan Mayon dara kan nagbubulos na lava.
Mientras tanto, padagos man giraray na pinagbabawalan an mga turista asin maging mga residentes na maglaog sa 8km extended danger zone huli naman sa huma kan nag-aalburutong bulkan.
Napag-araman na sa nakaaging 24 oras an nakapagrehistro nin 55 volcanic earthquakes, tolong rockfall events asin 1,339 tons nin sulfur emission hale sa bulkan base sa ipinaluwas na datus kan Philippine Institute of Volcanology and Seismology (Phivolcs).
