LEGAZPI CITY—Matrayumpong naisagibo kan transport groups an ikinasar na tulong aldaw na transport strike puon Abril 15 hasta 17 sa Metro Manila asin iba pang lugar huli kan nagpapadagos na paghalangkaw sa presyo kan produktong petrolyo.
Segun ki Pagkakaisa ng mga Samahan ng Tsuper at Operator Nationwide President Mody Floranda, sa intrevista kan Bombo Radyo Legazpi, na mantang nagkaigwa nin rollback sa presyo kan langis an haros wara man giraray suboot na naiuuli an mga drivers asin operators para sa saindang pamilya.
Nahahadit man an grupo na baka an bawi kan mga pag-rollback an mas dakulang panghalangkaw sa presyo kaini sa mga masunod na mga aldaw.
Padagos man an pangapudan ninda na pagbasura sa excise tax asin value added tax sa produktong petrolyo siring man an pagbasura sa oil deregulation law.
Sinabi man kan opisyal na dae sinda mapundo sa pagkundusir nin hiro-protesta kun sain igwa sindang ikakasar para sa maabot na Abril 21 asin Mayo 1 o Labor Day.
