Plano kan Maharlika Investment Corporation (MIC) na magtindog nin mas mahewas na oil storage facility sa Pilipinas sa tabang kan gobierno asin pribadong sektor ngani na makatabang na protehiran an nacion sa biglaan na paglangkaw kan presyo kan langis.
Segun ki MIC President asin CEO Rafael Consing Jr., isasagibo an proyekto sa irarom kan consortium model kun sain an Philippine National Oil Company (PNOC) an mag-aambag nin daga asin iba pang assets, mantang an MIC asin mga pribadong mamumuhunan an masimbag sa gastos asin operasyon kan mga tank farm.
Sinabi ni Consing na obheto kaini na pakusugon an kapasidad kan nacion sa pagtatambag nin langis na dae direktang nagdadara nin dakulang huma sa gobierno sa aktwal na imbentaryo kan fuel.
Pigkakarkulong posibleng matapos asin magin operational an proyekto sa laog nin duwa hasta sa tulong taon makalihis na mapuunan.
Aminado man an opisyal na an presenteng sitwasyon an nagkawsa nin paglangkaw kan presyo kan imported fuel nin poco mas o menos 60% hanggang 70%, na nagreresulta sa mas halangkaw na kapital na kaipuhan iluwas kan mga retailer ngani na mamantenir an saindang imbentaryo.
An lakdang na ini an kasimbagan sa presenteng krisis sa presyo kan langis na pinalala pa kan tensyon sa Middle East, kaibanan an limitasyon sa mga importanteng shipping routes siring kan Strait of Hormuz.
