LEGAZPI CITY- Dae man nakakaligtas sa epekto kan ashfall hali sa bulkang Mayon an nagkapirang mga residente sa Barangay Lidong sa banwaan kan Sto. Domingo, Albay.
Segun ki Kagawad Domingo Lanon sa intrevista kan Bombo Radyo Legazpi na apektado man nin light asfall an nagkapira sa saindang mga residente kaya dae nagpapaka kampante an mga ini sa epekto kan aktibidad kan bulkan.
Pag-istorya kan opisyal na kan itinaas pa sana sa alert level 3 status an bulkan, kadaklan sa saindang mga residente an nag preparar man.
Enkaso man na maisakat pa sa alert level 4, nasa 80 household suboot an kinakaipuhan na i-ebakwar.
Alagad sinierto kan opisyal na igwa man sinda na mga nakahanda na evacuation centers enkasong lumala an sitwasyon kaya warang dapat ikahadit an mga residente.
Mientras tanto, segun ki Lanon na sa presente pigmo-monitor man ninda an mga paraoma sa barangay na apektado kan aktibidad kan bulkan.
