Inabisohan na kan Embahada kan Pilipinas an mga Pilipino na mag-ebakwar sa nasyun kan Lebanon huli sa lalong naglalalang tensyon sa Middle East.
Base sa abiso na ipinaluwas kan embahada, gabos na Pinoy an kaipohan na makauli na sa Pilipinas o makapasiring sa ibang nasyun mantang bukas pa an mga erepuerto.
Sa mga dae man makakahali sa nasyun, pigpapalikay na muna sa pagpasiring sa mga lugar kan Beirut, South Lebanon, asin Bekaa Valley.
Ipinaluwas kan embahada an patanid kasunod kan nagluluwas na posibilidad na magkaigwa na nin gera an Israel asin Hezbollah kan Lebanon.
Enot naman na ipinagbawal kan mga nasyun kan Estados Unidos, Russia, France, Australia, Spain asin United Kingdom an pagbiyahe kan saindang mga residentes pasiring sa Lebanon.
Magigirumduman na naenot ng naghuma an Hezbollah na mabalos sa piglulunsar na mga airstrikes kan Israel na nagresulta sa pagkagadan kan nagkapira sa saindang mga commander.
Maging an Israel an naghuma man na mabalos sa Israel sa pagkagadan kan lider kan Hamas na si Ismail Haniyeh.
