Dae mababa sa 37 katawo an nairido makalihis an panibagong airstrike kan Israel sa southern Lebanon kan Mayo 15, mantang nagpapadagos an ika-duwang aldaw kan ceasefire na pinangenitan kan Washington, D.C.
Segun sa Israeli military, tinarget ninda an mga imprastruktura kan Hezbollah sa Tyre asin pagtaraning na lugar.
Kinondena man kan United Nations humanitarian coordinator sa Lebanon an padagos na kadahasan asin sinabing dapat na aprobitsaran an diplomasya ngani na pigulan an paglala kan krisis.
Basado sa Lebanese health ministry, kaibanan sa mga nairido an mga kababaihan, kaakian asin nagkapirang hospital workers makalihis tamaan an mga establishimento na harani sa sarong ospital asin sarong NGO center.
Dakol man an nag-ebakwar makalihis maraot an mga istaran kan mga displaced families.
Alagad igwang naga-iral na tigil-putukan puon kan Abril 17, dagos man liwat an labanan sa pagultangan kan Israel asin Hezbollah, na parehong nag-aakusar nin pagbayolar sa kasunduan.
