LEGAZPI CITY – Pigsuhestyon kan sarong political analyst na dapat nang magtabangan an mga Pilipino nganing mahale an Pilipinas sa pagkakalubog huli sa mahiwasang korapsyon.
Segun ki Atty. Michael Henry Yusingco sa intrevista kan Bombo Radyo Legazpi na dapat pumili na an mga botante nin mga ipapalit na mga iboboto sa House of Representatives asin Senado.
Alagad magigin problema sana suboot kaini, iyo an kun pagsapit kan 2028 Presidential Election an mga imbwelto sa corruption na mga kandidato an pipilion liwat na makatukaw kan mayorya kan mga botante.
Pagdoon niya man na dae nba pagpansinon kan publiko an piggigibong pagdangog kan Senate Blue Ribbon Committee asin kan Independent Commission for Infrastructure huli ta dapat tutukan ngonian iyo an imbestigasyon kan Ombudsman.
Paliwanag ni Yusingco na trabaho na kaya kan Ombudsman an mapadapit sa pagpapanimbag sa mga tiwaling opisyal kan gobierno huli ta sinda an pwedesir magsunad nin kaso laban sa sainda.
Syertuhon man dapat kan publiko na babantayan ninda kun magigibo kan Ombudsman asin Sandiganbayan an saindang trabaho na panimbagon an mga corrupt na pulitiko asin bawion an pondong hinabon sa taumbayan.
