LEGAZPI CITY—Pig-imbitaran kan National Food Authority an mga paraooma na mag-deliver nin ani sa saindang ahensya huli sa halangkaw an presyo kan NFA kumpara sa mag pribadong traders.
Segun sa pahayag ni NFA Bicol Assistant Regional Manager Julie Llenaresas, pwedesir sindang mag-deliver sa saindang mga buying stations sa rehiyon.
Dakol suboot sindang maaakomodar na kadakol na paroy huli sa dakol sindang nirentahan na pribadong warehouses na nasa 15.
Siring man na matabangan an mga paraooma huli sa halangkaw ngunyan an pagbakal kan NFA na posible pang maglangkaw basado sa market situation.
Sa ngunyan, nasa P28/kilo an bakalan kan ahensya sa clean and dry na paroy sa provincia kan Albay, Camarines Norte asin Camarines Sur; P27/kilo sa Catanduanes, Sorsogon asin Masbate.
Naka-deploy na man an saindang procurement teams nganing magbakal asin madugangan an buffer stocks para sa distribusyon sa oras nin kalamidad asin emerhensya.
Mientrastanto, bukas an saindang opisina asin buying stations en kaso man may kahaputan kun pano ide-deliver an ani.
