Suminakat na sa 88 na gadan an namidbidan kan mga otoridad kan South Korea sa nag-crash na Boeing 737-800 plane kan nakalihis na aldaw.
Sa ibong kan padificilan na pagmidbid kan mga nagadan, naggamit an mga otoridad nin manlaen-laen na makabagong lakdang para mamidbidan an mga ini siring kan fingerprints, dental records asin iba pa.
Magin an mga kamag-anak kan mga nagadan nadificilan man na midbidon an pagkakakilanlan kan mga biktima.
Hanggang sa presente, igwa pang sampulong gadan an dae mamidbidan an kasarian.
Susog sa inisyal na impormasyon, 85 sa mga biktima mga babayi mantang 84 man an mga lalaki.
Sa ibong na lado, nasa maray nang kamugtakan an duwang nakaligtas na minidbid sa apelyidong Lee, sarong 33-anyos, asin Koo na 25-anyos.
Si Lee nagsapar nin multiple injuries kasabay na an nabaring ribs asin traumatic spinal injury, mantang si Koo nagsapar nin injury sa saiyang bitis asin payo.
An duwang biktima nakakapagtaram pa suboot asin wara man nin indikasyon na memory loss.
Mientrastanto, pitong aldaw an ipigdeklarar kan gobyerno kan South Korea para ipagluksa an mga nagadan sa nasambit na trahedya.
