LEGAZPI CITY-Nagsakat na sa 68 an kumpirmadong numero kan mga nagadan sarong semana makalihis an magnitude 7.8 na linog sa Mindanao.
Sa situational report hale sa NDRRMC, labi sa 330,000 na pamilya o labi sa 1.3 milyon na indibidwal an apektado.
Sa nasabing numero, labi sa 4,400 na pamilya o labi sa 18,000 na indibidwal an temporaryong nagtetenir sa mga evacuation centers.
Labi sa 67,000 na harong an nadanyaran sa Region 9, Region 11, Region 12 asin sa Bangsamoro Autonomous Region sa Muslim Mindanao (BARMM).
Sa nasabing numero, labi sa 12,000 na mga harong an enterong naraot mantang labi sa 55,000 an partial damage.
Siring man, basado sa damage assessment sa imprastraktura, nagsakat na sa labi sa P148 milyones an gastos sa danyos.
Nakapag-rehistro man nin danyos sa region 6, 11, asin 12.
Padagos man an pagtao nin tabang kan gobierno sa mga pamilyang nangangaipo, sa mga lokal na gobierno asin regional agencies.
