LEGAZPI CITY—Padagos na pigbabantayan kan mga otoridad an mga natatadang Badjao sa ciudad kan Legazpi sa ibong kan pagdikit kan numero kaini sa lugar.
Segun ki Legazpi Task Force Kaayusan Head Andy Marbella, sa intrevista kan Bombo Radyo Legazpi, padagos nindang pagbabantayan urog na an mga joven na mga Badjao na naglulukso hale sa jeep maski na dae nagpupundo an behikulo.
Dugang kaini na tinawan man ninda nin pamasahe an enot nang nakaolay na grupo na nasa 17 Badjao kun sain pigtutubudan na gikan sa Tabaco City, na sa ngunyan dae na man ninda nahihilong sa ciudad.
Pigkakaolay man suboot kan saindang opisina an mga magurang kaini na dae na paggamiton an saindang aki huli sa anumang posible na mangyari sainda.
Siring man na nakikipagkoordinar sinda sa City Social Welfare and Development Office para sa pagpapa-turn over sa ini sa lugar na saindang pinagmulan para man sa saindang kaligtasan.
