Nagpatanid an tech giant na Meta laban sa nagtitinding huma kan online scams mantang paparani an kapaskuhan kasabay kan pagdakol kan mga tawong naggaganit nin social media platforms para sa holiday shopping.
Segun sa Meta, an mga scammer an nagigin mas sopistikado sa saindang modus na naggagamit nin pekeng advertisements, social media posts, asin phishing links nganing makapanloko nin mga parabakal.
Pigpapagirumduman kaini an publiko na magin rigmat asin ibitaran magtao nin personal o financial information sa mga bako otorisading website o links.
Dagdag pa kaini, pig-eenganyar kan kumpanya an mga user kan saindang mga platform na mag-report nin anumang kahina-hinalang aktibidad nganing tulos na ma-aksyunan.
Nagluwas sa saindang datos na kadaklan sa mga biktima an nadadara kan estilo nin pag-enganyar nin huli ta pigpapahiling na magayon an produkto nganing magin totoo asin pagtatao sa mga ini nin dakulang discount o freebies.
Pagirumdom kan eksperto na importante an pag-aram kan kredibilidad kan mga sellers asin paggamit nin secure payment methods nganing maibitaran an pagkalugi.
Sa huma kan nagtitinding e-commerce activity ngunyang pasko, pigtawan doon kan Meta an importansya kan pag-iingat nganing dae magin biktima kan holiday scams.
