LEGAZPI CITY- Positibong sinabi kan Municipal Environment an Natural Resources Officer (MENRO) kan Daraga na igwa na nin dakulang pagbabago sa pagmanehar kan basura kan sa saindang banwaan.
Sinabi ni Henry Jacob na nasimbag na an problema sa schedule kan pagkolekta nin basura.
Apwera digdi, igwa na man suboot sinda nin pigtatapukan nin basura sa Brgy San Ramon bilang material recovery facility (MRF.)
Dugang pa ni Jacob, matanos na man an schedule kan pagkoleketa kan basura sa lambang barangay maski dae pa nag-aabot an saindang binakal na bagong dump truck.
Alagad sigon digdi, maabot na an mga behikulo ngunyan na bulan.
Pangapodan man giraray ni Jacob sa mga kahimanwa na mag-utob sa mga ordinansang nakapalaman sa RA 9003 o an Ecological Solid Waste Management Act.
