Bilog man liwat an tiwala kan White House sa United States Secret Service nganing bantayan an seguridad ni U.S. President Donald Trump kasunod ng insidente nin pambabadil sa sarong Washington, D.C. kan Sabado (Domingo sa Pilipinas).
Susog sa sarong opisyal kan White House, nagtutubod an Presidente na mahusay an nagin pagtugon kan mga Secret Service agent makalihis nindang mapugulan an suspek.
Kasabay kaini, masagibo man nin mahigot na pagrepaso sa security protocols nganing malikayan an siring na pangyayari sa presente.
Magigiromdomang nangyari an insidente harani sa security checkpoint sa lobby kan hotel, kun sain ipigsagibo an sarong event katakod kan White House Correspondents’ Dinner.
Binisto an suspek na si Cole Tomas Allen, 31-anyos, gikan sa California, na inarestar makalihis suboot magpaputok nin badil sa lugar.
Sa sarong intrevista makalihis an insidente, sinabi naman ni Trump na dae siya nahandal sa nangyari.
