Sinimbag ninda Max Collins asin Pancho Magno an mga espekulasyon na nagkabalikan sinda.
Sa nakalihis na mga bulan kaya, mahihiling an dating couple na nagko komento sa post kan lambang saro kaya may mga agam-agam na liwat na nagkabalikan an duwang celebrity.
Alagad sa sarong intrevista nilinaw ni Pancho na close sana sinda.
Sinabi man ni Max na sinabihan niya si Pancho na magkomento sa saiyang mga ladawan ngani na makapag boost nin engagement.
Marurumduman na ikinasal sinda Max asin Pancho kan 2017 asin nagkaigwa nin aki na si Skye Anakin kan 2020.
Alagad kan 2023, isinapubliko kan duwa an saindang pagbubulagan.
