LEGAZPI CITY—Padagos an pagkundusir kan Masbate Police Provincial Office sa pig-aapod na ‘Rodeo cops bike patrol’ bilang parte kan mas pinahigot na police visibility sa probinsya.
Segun ki Masbate PPO PIO PCPT Estrella Torres sa intrevista kan Bombo Radyo Legazpi, na sa tabang kan saindang provincial director pinapangenotan kaini an bike patrol uru-aldaw sa manlaen-laen na lugar para mahiling kun arin pa an mga lugar na pwedesir bugtakan kan saindang mga personahes.
Saro suboot ining paagi para mahiling asin ma-assess man kan saindang ahensya an sitwasyon sa mga manlaen-laen na lugar.
Dugang digdi, na an nasambit na inisyatibo iyo para mahiling kan mga tawo an pagmamakulog kan mga kapulisan sa komunidad.
