LEGAZPI CITY-Tampok an mga lokal na produkto kan provincia kan Masbate hale Micro, Small, and Medium Enterprises sa ipigsagibong Urawa San Masbate Trade Fair sa Legazpi City.
Segun kay Department of Trade and Industry Assistant Regional Director Joseph Rañola sa intrevista kan Bombo Radyo Legazpi, na pigsasagibo ini ngani ipabisto an kagayunan kan Masbate siring man an pag-apresyar sa mga lokal na produkto.
Pigtatawan suboot kaini nin mas halangkaw na mga kalidad asin halawig na market reach an mga local enterprises.
Bilang pang-apat na edition ngonian na taon, an napapanahon na suboot ngani ipadagos kan provincia an saindang recovery effort makalihis an paagi kan nakalihis na kalamidad.
Magpapadagos pa suboot an trade fair hasta sa aldaw nin Lunes, Nobyember 24.
Pigoorgulyo man an manlain-lain na produkto siring kan best suboot nindang corn beef, tapa, asin ibang lokal na produkto na rehistrado na.
Pangapudan man kan opisyal na tawanan nin pansin an mga siring kaining negosyo ngani makatabang sa komunidad asin sa pagpapauswag kan mga lokal na produkto.
Laoman man suboot an bilog na suporta hale sa mga konsyumer huli sa napapanahon na, na matabangan an mga sadiring produkto orog na kan mga lokal na produkto sa nacion.
