LEGAZPI CITY- Aminado an sarong Peace Studies Professor na bako magayon an nagigin paghiling kan ibang nacion sa kariribukan sa politika na nangyayari sa nacion.
Ini an kasunod kan mga impeachment complaints na pigsunad sa duwa sa pinakahalangkaw na lider kan Pilipinas.
Idugang pa digdi an mga kasong pigkakahampang kan nagkapirang mga lehislador.
Segun ki Bicol University Peace Studies Professor Dr. Herbert Rosana sa intrevista kan Bombo Radyo Legazpi na bako magayon an epekto kan nasabing mga isyu sa lado kan pagnenegosyo.
Paliwanag kaini na dae ma-improve an pamumuhunan kun warang katiwasayan sa nacion.
An mga negosyante suboot an nakabantay sa political situation kan sarong nacion antes na maglagak kan saindang kwarta.
Huli digdi, sinabi ni Rosana na dapat na maresolberan an mga pigkakahampang na isyu kan nacion ngani na magin stable an nacion.
