Pig-agyat kan Malacañang an mga kritiko kan administrasyon na magluwas nin ebidensya asin patunayan an saindang mga alegasyon.
Ini an simbag ni Palace Press Officer USec. Claire Castro makalihis na tuyawon kan nagkapirang mambabatas an pahayag ni Presidente Ferdinand Marcos Jr. dapit sa Independent Commission for Infrastructure (ICI), na sinabing an pagkrear kaini iyo an nganing pagtakpan an mga kaalyado kan administrasyon.
Sinambit man ni Castro na kabale sa mga kandidato kan administrasyon kan nakaaging eleksyon si dating senador na si Bong Revilla.
Sa mga nagkukuwestyon sa trabaho kan ICI, sinabi ni Castro na nahiling niya kun gurano kadakol na ebidensya asin dokumento an natipon kan komisyon.
Pigduon pa kan opisyal na dapat hapoton an mga kongresista kun ano an saindang naginibo nganing maparikas an pagsasaley kan propwestong Independent People’s Commission Act, na kabale sa priority legislation ni Presidente Marcos.
Pigtawan doon pa kan Palasyo na igwa suboot nin mga tawo na dai nakuntento sa ginigibo kan Presidente sa ibong kan nahihiling an paghihingoa kan saiyang administrasyon na mapugulan an korapsyon, urog na sa isyu kan flood control.
