Nagpagirumdom giraray an Malakanyang sa mga lokal na kandidato na syertuhong nagsusunod sinda sa ley sa panahon kan kampanya.
Ginibo ni Palace Press Officer asin Presidential Communications Office (PCO) Usec. Claire Castro an pahayag kasunod kan pag-arangkada kan campaign period asin full implementation kan Penera Doctrine.
Sinabi ni Castro na dae maikokonsidera na premature campaigning an anumang aktibidad kan sarong indibidwal bago an opisyal na campaign period, alinsunod sa Penera Doctrine.
Sa irarom kan nasambitang doktrina, paliwanag ni Castro, na sarong opisyal na kandidato sana an pwedesir madakop sa pagbayolar sa mga panuntunan kan kampanya, kun kaya an anumang hiro bago an campaign period an dae maikokonsidera na iligal, afuera kun nagbabayolar ini sa iba pang ley asin regulasyon kan Commission on Elections (Comelec).
Kasabay kaini, nagpagirumdom man an Palasyo sa gabos na kandidato na magin huwaran sa pagsunod sa ley.
