LEGAZPI CITY–-Maabot sa 60 kaharongan an nilaog nin tubig huli sa pag-apaw kan salog sa Barangay Cagbulacao sa banwaan kan Bacacay, Albay.
Segun ki Christopher Bellen, sarong kagawad kan nasambit na lugar, sa intrevista kan Bombo Radyo Legazpi, na an tubig gikan sa bulod asin salog sa saindang lugar asin ini uminabot na sa saindang barangay asin mga kaharongan.
Maabot suboot sa lagpas-tuhod asin lagpas-eksan an lebel kan tubig na saindang naeksperyensyahan.
Sinabi kaini na kuta nang maebakwar an mga residentes sa mga eskwelahan alagad dae na man ini pwedesir na maebakwaran huli ta inabot na man ini kan tubig.
Dugang kan opisyal na kada nakakaeksperyensya sinda nin makukusog na pag-uuran nangyayari an pagbabaha sa lugar kaya nangangapudan ini sa gobyerno na tawan nin atensyon an kamugtakan kan saindang lugar asin matawan nin magkakanigong aksyon.
