Maabot sa 240 pasahero kan luxury Queen Mary 2 cruise ship an tinamaan kan nakakakaulakit na norovirus stomach bug.
Susog sa US Center for Disease Control and Protection (CDC) naireport sana an nasabing kaso kan harani nang matapos an apat na semanang paglalayag kan Cunard cruise liner gikan UK pasiring sa Caribbean.
Nagpoon na maglayag an barko kan Marso 8 puon sa Southampton asin nakatalaan kutang magbalik ini sa English port sa Abril 6.
Sa kabilogang 2,538 na pasahero igwang 224 an nagkahelang nin gastrointestinal virus; 17 sa 1,232 na crew members an nakamati nin kulog.
Enot nang sinabi ni Infectious disease expert Dr. William Schaffner na an norovirus an bisto minsan bilang cruise ship virus huli ta ini nagkakalat sa magkakaharaning pasahero.
