LEGAZPI CITY-Ipighayag ni Department of Justice Secretary Jesus Crispin Remulla na posibleng maabot na sa labi 30 indibidwal an pigtutubudang imbuelto sa pagkawara kan mga sabungero.
Segun mismo sa kalihim, nasa siring kaini na numero an saindang mga pigiimbestigaran na sinasabing igwang koneksyon sa likod kan isyu kan mga nawawarang sabungero.
Kasunod ini kan pagabot sa opisina kan Department of Justice kan testigong si alyas ‘Totoy’ o Julie Dondon Patidongan na piglinaw an iba pang mga impormasyon mapadapit sa kaso.
Pinaliwanag man kan kalihim an importansya kan nasambitang pagoolay ninda kan nasambitang testigo.
Mientrastanto, nanininundugan man an Department of Justice na igwang kredibilidad an kapot nindang testigo.
Nagtutubod man sinda na igwang magabat na pigsasabi an nasambitang testigo n amg aimpormasyon mapadapit sa pagkawara kan mga sabungero.
