LEGAZPI CITY- Nagpaluwas nin abiso an Land Transportation Office sa mga motorista asin biyahero na hali sa Metro Manila pasiring sa Bicol, Visayas asin Mindanao huli sa gubot na trapiko sa Andaya Highway sa Lupi, Camarines Sur.
Sa presente kaya, sarong linya sana an naaagihan sa nasabing lugar makalihis na makapagrehistro nin soil erosion huli sa makusog na mga pag-uran sa lugar.
Napag-araman na nagkakaigwa ngunyan nin road reblocking.
Katakod kaini pigpapalikay man an mga motorista sa saindang pagbiyahe.
Mientras tanto, an mga biyahero man na hali sa Manila pasiring sa Daet, Camarines Norte an inabisuhan na dae mag-agi sa banwaan kan Labo huli sa erosion.
