LEGAZPI CITY- Sinierto kan lokal na gobierno kan Tabaco City sa Albay na padagos na naitatao an pangangaipo kan mga evacuees na apektado kan padagos na aktibidad kan bulkang Mayon.
Marurumduman na enot ng naideklarar an state of calamity sa ciudad huli sa dakol na mga Internally Displaced Persons sa lugar.
Segun ki Tabaco City Vice Mayor Glenda Bongao sa intrevista kan Bombo Radyo Legazpi na limitado sana an pondo kan mga apektadong barangay kaya nangapudan kan nasabing deklarasyon.
Sa presente bastante man suboot an sitwasyon kan mga evacuees asin igwa man na bastanteng suplay nin pagkaon.
Aminado man an bise alkalde na nagsasawa na an mga bakwit sa delata kaya nag-iisip sinda nin mga paagi na magkaigwa nin fresh na gulay asin iba pang masustansyang pagkaon an mga ini.
Mientras tanto, magin an livelihood program para sa mga mga apektadong residentes an pigtututukan man ngunyan kan lokal na gobierno.
