Gadan an limang katawo sa duwang magkasuway na insidente nin pag-atake kan mga terorista sa Baluchistan province sa Pakistan.
Enot na binawian nin buhay an tolong sibilyan makalihis na masabogan nin bomba sa Turbat district.
Kaiba sa mga nagadan an sarong babaye asin duwang joven.
Sa Jamrud district, nagadan man an duwang pulis makalihis na tamaan nin rocket.
Pinagtutubudan kan mga otoridad na parehong kagibohan an insidente kan mga terorista na mawot na makontrol an Baluchistan province asin magkaigwa nin sadiri nindang gobyerno.
Huli sa insidente, naglunsar na nin operasyon an mga otoridad ngani na mahanap an mga suspetsyado.
