Nagpositibo sa human immunodeficiency virus o HIV an labi sa 331 kajovenesan huli sa suboot pauro-utro na paggamit nin “syringe” sa sarong medical facility sa Pakistan.
Basado sa mga report, nahawa an mga na-confine na joven sa pagultangan kan Nobyembre, 2024 asin Oktubre 2025.
Narisa sa resulta kan inisyal na imbestigasyon, ginamit suboot an mga syringe sa “multi-dose vials” nin dae mababa sa 10 beses.
Basado pa sa report, sa 331 kaso nin pagkakahawa kan HIV, lagpas kabanga sa mga ini an nakua suboot an helang katakod kan paggamit nin sarong “infected syringe.”
Nagluwas pa sa pagsisiyasat, na an isinagibong pag-inject sa mga biktima an ipigkundusir suboot kan pirang medical staff na dae naggagamit nin gloves.
Kasunod kan pagluwas kan report, pinahimutikan kan nasabing medical facility an iniluwas na resulta kan imbestigasyon.
