Nanindugan an sarong political science professor na dapat Commission on Audit asin Sandiganbayan an dapat magkapot kan kasuguan ni President Ferdinand Marcos Jr. na lifestyle checks sa mga opisyal kan gobierno makalihis madiskubre an mga anomalya sa mga flood control projects.
Paliwanag ni UST Manila Department of Political Science professor Paul Francisco sa intrevista kan Bombo Radyo Legazpi na an mga departamento asin korte an dapat magkapot asin magsagibo nin lifestyle checks huli ta sinda an naglalaban sa mga nangyayaring graft and corrupt urog nang kadakol an nagkwe-kwestyon sainda na garing wara sindang piggigibgo dapit sa nasabing anomalya.
Duda man siya na may mabubuyagyag sa katiwalian kan mga pulitiko huli ta sa pagladawan niya an sinda an pig-aakusaran asin sinda pa an nag-iimbestiga sa saindang sadiri na pwedesir magresulta na may isakripisyo o ipapaon na ibang tawo nganing matakluban sana an saindang mga kalokohan.
Suhestyon niya man na magbilog nin sarong task force o independent body na matutok asin ma-imbestiga kan mga katiwalian asin korapsyon sa mga proyekto kan gobierno alagad dae man dapat suboot na magserbi ini bilang prosecuting body huli ta dapat sandiganbayan ang magsagibo prosecution kan saindang mga findings.
Pigtaram pa kan naunambitang professor na magkakaigwa nin limitasyon an lifstyle check an manungod sa mga bank accounts urog nang nakapalaog ini sa Bank Secrecy Law alagad pwedesir man mahiling kun sinda na mismo magpahiling kan saindang bank account kun wara talaga sindang piggigibong katiwalian.
Punto niya pa na enkaso ipahiling kan empleyado kan gobierno an saiyang bank account an dae dapat magpakampante huli ta pwedesir suboot na may ibang bank account ini sa ibang nacion na piglalaganan niya kan saiyang pighahabon sa mga proyekto kan Philippine Government.
Dae man dapat i-asa pirmi sa presenteng administrasyon an pagpapanimbag sa mga tiwaling opisyal kundi kaipuhan an tabang kan manlain-laing stakeholsers arug kan media asin mga civil society groups.
Para man ki Francisco, pwedesir na magin puon an lifestyle check sa transparency asin accountability mantang dapat maggibo nin paagi an gobierno kun papano maipapa-otob para sa gabos an sistema kan pagpapanimbag sa mga tiwali.
