LEGAZPI CITY-Pigpapaaresto na kan Sandiganbayan 2nd Divison si Sen. Jinggoy Estrada makalihis an suboot pagkaka-imbuelto kaini sa flood control scandal.
An nabanggit na dibisyon an nag-asikaso kan bailable graft case ni Sen. Jinggoy, kun sain igwang opsyon an senador na magsuko o magatubang sa pag-aresto.
Nagpaluwas nin warrant of arrest asin hold departure orders an 2nd Divison kan korte kontra ki Estrada asin dating Department of Public Works and Highways (DPWH) Secretary Manuel Bonoan.
Segun kay Interior Secretary Jonvic Remulla na pasiring sa Sandigan ngonyan si Estrada ngani makapag-piyansa.
Sinabi man ni Remulla na wara pa sindang criminal case number asin wara man suboot na nahihiling na poder na arestaron an senador.
Naguyod si Estrada sa kontrobersiya makalihis na akusaran siya ni dating DPWH-Bulacan District Engineer na si Brice Hernandez na nag-aako siya nin kickbacks hale sa flood control projects, na pinahimutikan man kan senador.
Pinangaranan man na mga respondents sa kaso iyo sinda dating DPWH Sec. Bonoan asin DPWH-NCR engineers na si Denryl Cortuna, Arturo Gonzales, Jr., asin Manny Bulosan.
