Padagpos an pakikipagnegosasyon sa Department of the Interior and Local Government (DILG) sa sarong grupo na suboot nagkukupkop ki Senator Ronald “Bato” dela Rosa, sa paghingowa na maibitaran an posibleng madugong engkwentro durante kan saiyang pagdakop.
Segun ki Interior Secretary Jonvic Remulla, pigbabaretang nagtatago sa Mindanao an senador, protektado kan maimpluwensyang grupo.
Sinabi kan kalihim na an operasyon pwedesir mauli sa kadahasan kun an mga awtoridad mapirit na maglaog sa lokasyon na pigtatagoan kan senador.
An mandamiento de aresto konektado sa kasong may kinaaraman sa crimes against humanity, katakod kan kampanya kontra iligal na droga durante kan administrasyon ni dating Presidente Rodrigo Duterte.
Padagos na naghahanap nin solusyon sa sitwasyon an mga otoridad sa paagi nin negosasyon imbes na pirit na operasyon.
Alagad, an mga pahayag manungod sa kinamumugtakan kan senador asin an grupo na suboot nagkupkop saiya dapat na trataron bilang pahayag kan opisyal, mantang naghahalat nin independienteng beripikasyon.
