LEGAZPI CITY – Pinagirumduman kan Legazpi City Police Station an mga pet owners sa syudad na magin responsable nganing maibitaran an pagkawara kan saindang mga ataman.
Segun kay Legazpi City Police Station spokesperson Police Executive Master Sergeant Carlos Paña intrevista kan Bombo Radyo Legazpi na pwedeng makipagkoordinar sa saindang hepatura nganing maparikas an paghahanap sa saindang mga atamang hayop na nawawara.
Pwede man suboot na maghapot hapot man sa mga kataraning o mga kabaranggay kun enkaso nahiling kan mga ini an saindang mga ataman nin huli ta pwedeng yaon lang ini sa saindang mga pagrugaring.
Pigpapaaram man ninda sa mga pamilya kan mga ini kun enkaso matrayumpong nahanap na an saindang mga ataman nganing maiturn-over asin pighahagadan nin magkakanigong dokumentong nagpapatunay na sinda an may kagsadiri kaini.
Pigtawan doon man ni Paña na pigtatabangan ninda an mga pet owners naghahanap kan saindang mga nawawarang ataman nin huli ta may mga buhay an mga ini asin pigtuturing ninda an mga hayop bilang saro nindang kapamilya.
Pangapodan kaini sa mga pet owners na magin responsable sa pag-aataman kan mga ayam asin dae pagpabayaan na nagbabalagaw bagaw an mga ini sa pampublikong tinampo.
